කාමරයේ දොරගුලු විවර වී
මතු වූයේ සුදු රෙද්දක් අතැතිව
මාගේ දයාබර නැන්දම්මාය
පරම්පරාවෙන් එන
කුල සිරිතයි මේ අපේ
පතිවත ඇත්දැයි බලන්න
අලුත ගෙනා ලේලියගේ
මෙන්න මේ සුදු රෙද්ද
දා ගන්න ඇද උඩට
හෙට උදේම රෙදි නැන්දා එයි
ප්රතිඵල අරන් යන්න
ලොකු පුතා වගේම
කොලු පැටියෙන් ඕන වෙනවා
පරම්පරාවේ නම්බුව
ඉස්සරහට ගෙනියන්නට
මේ අහගනින් ලේලියේ
නැති උනොත් පතිවත
ලැහැස්ති වෙයන් හෙට උදේම
මේ ගෙදරින් පිට වෙන්නට
✏️ ගයනි මධුෂිකා ගමගේ
